Unilibrary. Oliy ta'lim muassasalarining yagona elektron kutubxona axborot tizimi.

Kredit - modul sisteması

Bul oqıw qollanba joqari bilimlendiriw sistemasında kredit - modul tiykarında oqıw procesin shólkemlestiriwdiń teoriyalıq hám ámeliy tiykarların kórsetiwge arnalgan.

Bolalar adabiyoti

Ushbu darslik-majmua kasb-hunar kollejlarining "Maktabgacha ta'lim" bo‘limi o‘quvchilari uchun mo‘ljallangan bo‘lib, unda bolalar adabiyotining o‘ziga xos xususiyatlari, yosh xususiyatlariga ko‘ra kitobxonlik guruhlari, bolalarga estetik va axloqiy tarbiya berishda badiiy asarlarning o‘rni hamda maktabgacha ta’lim yoshidagi bolalar uchun badiiy matnlarga qo‘yiladigan talablar atroflicha yoritilgan.

BOLALAR ADABIYOTI

Ushbu darslik oliy o‘quv yurtlarining boshlang‘ich ta’lim va maktabgacha ta’lim yo‘nalishi talabalari uchun mo‘ljallangan bo‘lib, unda bolalar adabiyoti fanining nazariy asoslari, bolalar folklori, bolalar kitobxonligi muammolari, o‘zbek bolalar adabiyotining shakllanishi va taraqqiyoti, shuningdek, jahon va qardosh xalqlar bolalar adabiyotining asosiy namunalari va tamoyillari yoritilgan.

BIZNES STRATEGIYASI

Ushbu darslikda zamonaviy bozor sharoitida korxonalarning strategiyasini ishlab chiqish bilan bog'liq nazariy va amaliy yondashuvlarning tahlili keltiriladi va asosiy e'tibor bu korxonalarning yuqori boshqarmasi tomonidan qabul qilinadigan strategik qarorlarning mazmuniga qaratilgan. Kengroq qilib aytadigan bo'lsak, mazkur darslikda strategik boshqaruv modellari, strategiya turlarining qiyosiy xarakteristikasi, M. Porterning raqobat strategiyasi, strategik rejalashtirishning mazmuni, portfelli tahlil konsepsiyalari, o'sish sur'ati va bozordagi nisbiy ulushning taqqoslanmasi: Boston konsalting guruhi (BKG) modeli; ko'rkamlik va raqobatbardoshlilik taqqoslanmasi: Mak Kinsey (GE/McKinsey) modeli; tarmoqning ko'rkamlik va raqobatbardoshlilik taqqoslanmasi: Shell/DPM modeli; bozor evolyutsiyasining tahlili: Hofer/Schendel modeli; tarmoq hayot siklining tahlili: Artur D.Littl (ADL/LC) modeli; biznesning strategik holatlarini aniqlash muammolari batafsil bayon etilgan.

Kartoshkachilik mashinalarining konstruksiyasi

O'quv qo'llanmada kartoshka haqida asosiy ma'lumotlar,kartoshka va uning pushtasi tuprog'ini fizik-mexanik xossalari hamda kartoshkachilik mashinalarining konstruksiyasi,texnologik ish jarayoni,ular ish organlarining nazariyasi hisobi keltirilgan.

Borliq va yo'qlik. 1-kitob

Nobel mukofoti sovrindori Ernest Xeminguey nomini eshitmagan kitobxon bo`lmasa kerak. Adibning "Chol va dengiz", "Alvido, qurol" nomli asarlari va bir qancha hikoyalari o`zbek tiliga tarjima qilingan Shularni hisobga olib, nashriyotimiz yozuvchining "Borliq va yo`qlik" romanini siz aziz kitobsevarlarga taqdim etmoqda. Ikki jildli mazkur asarda muallif o`zi yashagan davrdagi oddiy kishilarning og`ir hayotini haqqoniy tasvirlab bergan.

Biologiyani o‘qitishda pedagogik texnologiyalar

Ushbu darslik pedagogika oliy o‘quv yurtlarining «Biologiya» bakalavriat yo'nalishi talabalari uchun mo'ljallangan bo'lib, unda bo‘lg‘usi biologiya o‘qituvchilarining ilmiy-metodik tayyorgarligini orttirish, ularning raqobatbardoshligini ta’minlash, pedagogik faoliyat uchun zarur bo'lgan zamonaviy metodik bilim, ko'nikma va malakalarni tarkib toptirishga imkon beradigan biologiya ta’limi jarayonida pedagogik munosabatlarni insonparvarlashtirish va demokratlashtirish, o'qitishni differensiallashtirish va individuallashtirish, rivojlantiruvchi ta’lim, didaktik o'yin, muammoli, modulli ta’lim, hamkorlikda o'qitish, loyihalash texnologiyalaridan foydalanish, an’anaviy ta’lim texnologiyasini takomillashtirish masalalari o'rin olgan.

Biologiya

Ushbu darslikda biologiya fanining zamonaviy asosiy bo‘limlari yoritilgan bo‘lib, tirik mavjudotlarning umumbiologik hayot faoliyatlari, odam biologiyasi va uning biosferadagi o‘rni, odam ekologiyasining muhim jabhalari o‘z ifodasini topgan, umumiy genetika va odam genetikasi masalalariga keng o‘rin berilgan. Darslik tibbiyot institutlari talabalari uchun qo‘llanma sifatida tavsiya etilgan bo‘lsa-da, u universitetlarning biologiya fakultetlari talabalari uchun ham foydali qo‘llanma bo‘la oladi.

Biologiya

Mazkur darslik umumiy o‘rta ta’lim maktablarining 11-sinfi hamda o‘rta maxsus, kasb-hunar ta’limi muassasalari o‘quvchilari uchun mo‘ljallangan bo‘lib, unda hayotning biogeotsenotik va biosfera darajasidagi umumbiologik qonuniyatlar, organik olam filogenezi hamda biologik sistemalar, xususan, ekologiya asoslari yoritilgan.

Biologiya

Mazkur darslik umumiy o‘rta ta’lim maktablarining 10-sinfi uchun mo‘ljallangan bo‘lib, unda biologik tizimlar, hayotning kelib chiqishi, rivojlanishi, biologik fanlarning tarmoqlari va ilmiy tadqiqot metodlari haqida ma’lumotlar tizimlashtirilgan holda yoritilgan. Darslik o‘quvchilarda ilmiy dunyoqarashni shakllantirish, tiriklikning turli darajalaridagi tizimlarni o‘rganish va ularning xossalarini tushunishga qaratilgan.

Biologiya. Sitologiya va genetika asoslari

Mazkur darslik umumiy o‘rta ta’lim maktablarining 9-sinfi uchun mo‘ljallangan bo‘lib, unda biologiyaning hayot haqidagi asosiy qonuniyatlari, tirik organizmlarning tuzilishi, sitologiya va genetika asoslari zamonaviy va qiziqarli usullarda bayon etilgan. Darslikda tirik va jonsiz tabiatning o‘xshashligi hamda farqlari, organizmlarning xilma-xilligi, irsiyat va o‘zgaruvchanlik qonuniyatlari, shuningdek, ilmiy-tadqiqot usullari kabi muhim mavzular yoritilgan. Nashr tarkibiga laboratoriya mashg‘ulotlari, savol va topshiriqlar kiritilgan bo‘lib, ular o‘quvchilarning biologiya fanidan olgan bilimlarini mustahkamlashga va amaliy ko‘nikmalarini rivojlantirishga xizmat qiladi.

Mintaqaviy iqtisodiyot

Mazkur darslikda mintaqani barqaror rivojlantirish borasida hududlar, tuman va shaharlarni kompleks va mutanosib holda ijtimoiyiqtisodiy taraqqiy ettirish, investitsiyaviy muhitni yaxshilash orqali mamlakatimiz iqtisodiyoti tarmoqlari va hududlariga xorijiy sarmoyalarni faol jalb etish jarayonlari o'quv qo'llanmaning obyekti sifatida talqin etilgan.

Axborot xavfsizligi

“Axborot xavfsizligi” fani bo‘yicha darslik tayanch oliy o‘quv yurti Toshkent axborot texnologiyalari universitetining “Axborot xavfsizligi” kafedrasi professor-o‘qituvchilari tomonidan tayyorlangan bo‘lib, unda axborot xavfsizligi tushunchasi va uning vazifalari, axborot xavfsizligiga bo‘ladigan tahdidlar, hujumlar va zaifliklar, axborot xavfsizligi sohasiga oid xalqaro va milliy me’yoriy-huquqiy baza, xavfsizlik modellari, axborotni kriptografik himoyalash, identifikatsiya va autentifikatsiya, kompyuter viruslari va zararkunanda dasturlar bilan kurashish mexanizmlari, axborotni himoyalashda tarmoqlararo ekranlarning o‘rni, operatsion tizim himoyasi, axborot sirqib chiqish kanallari va ularni aniqlash hamda obyektlarni injener himoyalash va texnik qo‘riqlash masalalari keltirilgan.

Astronomiya

Mazkur darslik o‘rta ta’lim muassasalarining 11-sinfi, o‘rta maxsus, kasb-hunar ta’limi muassasalari va O‘zbekiston Respublikasi Fanlar akademiyasi Astronomiya instituti qoshidagi ixtisoslashtirilgan maktablar uchun mo‘ljallangan bo‘lib, koinot, osmon jismlari, ularning fizik tabiatlari, evolutsiyasi va astronomiyaning rivojlanish tarixini qamrab oladi.

Aruz va mumtoz poetikaga kirish

Mazkur darslik sharq mumtoz poetikasining asosi bo'lgan aruz vazni va uning nazariy asoslari, shuningdek, mumtoz she'riyatdagi janrlar hamda qofiya masalalarini chuqur yoritishga bag'ishlangan. Asarda aruz nazariyasi Alisher Navoiy ijodi misolida tahlil etilib, talabalarga she'riyatning nafosatini va shoirning salohiyatini anglashda ko'maklashuvchi nazariy va amaliy ma'lumotlar taqdim etilgan.

Arbeit mit Lehrwerklektionen

Diese Studieneinheit aus dem Fernstudienprojekt Deutsch als Fremdsprache und Germanistik bietet eine systematische Einführung in die didaktische Planung und Durchführung von Unterrichtseinheiten unter Verwendung von Lehrwerken. Das Buch richtet sich an Lehrende und Studierende des Fachs Deutsch als Fremdsprache (DaF) und analysiert den Aufbau von Lehrbüchern aus verschiedenen Epochen. Anhand des Modells der Didaktischen Analyse werden Lernphasen wie Einführung, Präsentation, Semantisierung und Übung detailliert beschrieben. Ziel ist es, den Lesern Kriterien für eine strukturierte Unterrichtsvorbereitung und die gezielte Arbeit mit verschiedenen Lehrwerkkomponenten zu vermitteln, wobei theoretische Grundlagen mit praktischen Anwendungsbeispielen verknüpft werden.