Unilibrary. Oliy ta'lim muassasalarining yagona elektron kutubxona axborot tizimi.

Анна Каренина

Жамиятда юқори мавқега эга бўлган хонадон бекаси қалбидаги кемтикликни муҳаббатдан излайди. Унга ўша муҳаббат насиб ҳам бўлади. Хўш, Анна нега унда атрофидаги майда муаммолардан қатъи назар, меҳр-муҳаббатдан сармаст бўлиши керак бўлган паллада ўзига сўнгги чора - ўлимни раво кўрди? Вронский-чи? У Аннанинг васлига эришгач, қалби дарё, муҳаббати йўлида собит аёлга ҳамиша яна нимадир етишмаётганини англаши, ҳис қилиши қийинмиди? Дарҳақиқат, Лев Толстой бу асари ҳақида «Анна Каренина -мен ўзим», деб айтади. Анна тимсоли орқали ёзувчи ҳаёт-мамот, инсон тақдири, яшашдан мақсад, одамзотнинг маънавий камолоти, аъмоли кабиларга ўзининг ҳаққоний ва самимий муносабатини билдиради.

Ишқ гавҳари

Китобда Шерозийнинг ғазаллари, соқийнома, таржеъбанд, қитъалар, рубоийлар ўрин олган.

Анна Каренина биринчи китоб

Бадиий адабиётда муҳаббат мавзусида ёзилган асарлар қанчалик кўп бўлмасин, уларнинг ҳеч бирида тақдирлар, қисматлар, фожиалар, ўйлар, қарашлар бир-бирини такрорламайди. Навоийнинг Лайлиси-ю Мажнуни, Шекспирнинг Отеллоси-ю Дездемонаси, Кнут Гамсуннинг Эдвардаси, Чингиз Айтматовнинг Жамиласи... Лев Толстойнинг Анна Каренинаси ҳам ҳақли равишда мана шундай асар қаҳрамонлари сафида турадики, адиб ижодига ошно бўлган ҳар бир китобхон буни яхши англайди. Адабиётдан паноҳ истаган, адабиётни маънавий камолоти учун зарур деб билган китоб ихлосмандлари эътиборига қарийб қирқ йиллик танаффусдан сўнг ҳавола этилаётган даҳо ижодкорнинг беқиёс асари - "Анна Каренина” Сизга яна янги дунёларни очишга шай.

Сўз латофати

Шоир Эркин Воҳидовнинг ушбу китоби сизга албатта манзур бўлади. Унда шоирнинг энг сара шеърлари ва достонлари ўрин олган.

Тўхтатинг самолётни, тушиб қоламан

Китобда ҳазил-мутойибига, юморга, киноя ва пичингларга жуда кўп ишлатилган. Бу эса қиссага ўзига хос ранг ва жозиба бағишлайди ва мароқли ўқилади.

Армон

Қўлингиздаги китобда чустлик навқалам ижодкор Ҳасан Мухторовнинг "Армон" номли илк қиссаси жой олган.

Вақт ёғдуси

Оламда мутлақ бир ҳақиқат бор. Дунёга келаётган гўдак ҳеч қачон бошқа онани танлай олмайди. Хоҳлайдими-йўқми муҳтарамаси уни ёруғликка олиб чиқади. Сиз азизларни ҳаёт, яшашдан мақсад ҳақида ўйлашга ундаса ажабмас бу китоб

Ҳаёт сўқмоқларида

Инсон хотиралари мароқли ҳамда маҳзун. Ҳаётнинг турли сўқмоқдаги синовлар бизга турли хотираларни беради. Китобда муаллиф ўзининг хотираларини баён қилган.

Вақф ўрик

ВАҚФ ЎРИК“ҳикоялар, мақолалар вa суҳбатлар тўпламидан газета- журналларда айримлари чиққан, баъзилари дафтарда қолиб кетган бадиий вa воқеий ҳикоялар, маданий-маърифий, таҳлилий мақолалардан намунала р жой олган. Биз ҳикоялар вa мақолалар ҳақида гапириб, китобни тарғибот қилиш ниятидан узоқмиз. Фикр айтишни ўқувчининг ўзига ҳавола этамиз. Аммо ишонамизки, китобни ўқир экансиз, сиз кетган вақтингизга ачинмайсиз. Ҳар бир муаллиф учун қандай бўлишидан қатъий назар, муштарийнинг фикри, қарашлари ниҳоятда қадрлидир. Танқидий фикрлари, тaaccy- ротларини ўртоқлашмоқ истовчи муҳтарам китобхонларимиз мулоҳазаларини ушбу: ranorahmonberdi@mail.ru эл.манзилга жўнатишлари, муаллиф билан учрашишни истовчилар нашриётимиз орқали боғланишлари мумкин.

Эринсангиз, кулманг

Мазкур тўпламга ёзувчи ижодидан саралаб олинган ҳамда ҳаётлигида матбуот юзини кўрмаган асарлари жамланди. Анвар Муқимов 60-йилларда ёш истеъдодли ёзувчи сифатида танилган. У ўша даврнинг йирик адабий унвонини олган.

Туғишганлар

Ушбу китобга қрим-татар ёзувчиси Черкез Алининг турли йилларда ёзилган қисса ва ҳикоялари жамланган. Бу асарларда кўпроқ ерларни ўзлаштираётган навқирон йигит-қизларнинг фидокорона меҳнати ва уларнинг самимий муҳаббати ҳикоя қилинади.

Қатлнома (Ҳужжатли қисса)

Набижон Боқий «ҚАТЛНОМА» ҳужжатли қиссасида «мавзуни мозийдан, яқин ўткан кунлардан, тарихимизнинг энг кир, қора кунлари бўлган кейинги «хон замонлари»дан (А. Қодирий ибораси), яъни 37-йиллардаги қатлиом йилларидан — ер юзининг олтидан бир қисмида, жумладан, Ўзбекистонда Иосиф Сталин ва унинг каллакесарлари томонидан амалга оширилган «қизил қирғин» давридан белгилаган. Давлат Хавфсизлиги Қўмитасида сақланаётган ҳужжатлар асосида «Абдулла Қодирийни кимлар, қандай йўсинда, қаерда, қачон ва нима учун қатл қилган эдилар?..» каби саволларга тарихий манбалардан жавоб изланади; ошкоралик баҳори бошланганига қарамасдан ҳамон илондек «кулча» бўлиб ётган махфий ҳужжатлар — «тилсиз гувоҳлар» жамоатчилик ҳукмига ҳавола этилади.

Adabiyot muallimi

Abdulla Qahhor hikoyalari teran mazmun-mohiyati, voqealar tasvirining rang-barangligi hamda ifoda tilining ravonligi bilan ajralib turadi. Qaysi hikoyasini o'qimang, asar syujetidagi achchiq haqiqat hajv pardasiga shunday mohirona o'rab berilganki, ham kulasiz, ham kuyasiz. Adib asarlarining ta’sirchanligi va umrboqiyligi ham shunda.

Ertak bilan xayrlashuv

Mazkur to`plamda adibning asosan beg`ubor bolalik, orzumand o`smirlik mavzuidagi qissa va hikoyalari jamlandi. Turli yillarda bu asarlar hamon zo`r zavq maroq bilan o`qilishiga shubha yo`q.

Талваса

Ўзбекистан Халқ ёзувчиси Тоҳир Маликнинг “Шайтанатнинг турфа олами” туркумига кирувчи “Мурдалар гапирмайдилар”, “Иблис девори” қиссалари билан Сиз - азиз китобхонлар танишган бўлсангиз керак. Қўлингиздаги бу китобдан мазкур туркумдаги учинчи асар - зулм оламидан ҳикоя қилувчи “Талваса” романи ўрин олган.

Kalila va Dimna

Bu asar, necha asrlarki, hikmat va masallar bobida munosib o'rin egallab kelmoqda. Xalq hayoti, dardi, ahli donishlar ulug'vorligi, hozirjavoblik, donolik aks etgani uchun ham " Kalila va Dimna" ta'rif va tavsifga ega. Undagi masallar, hikmatlar mag'zi insoniylik, olijanoblikni ulug'laydi. Tarbiyaviy ahamiyati jihatidan ham ushbu bebaho asar bugun-da o'z qiymatini yo'qotmagan. O'qing, uning donolar olamida bo'ling.