Unilibrary. Oliy ta'lim muassasalarining yagona elektron kutubxona axborot tizimi.

Пуштунлар хазинаси

Ёзувчи Ғафур Пўлатовнинг "Пуштунлар хазинаси" асари сўнгги йиллар ўзбек адабиёти насрчилигидаги биринчи даврий романдир. Воқеалар кўламининг батафсил тавсифи, кенг қамровли халқаро жараён ва кўпдан кўп эпик образларни ҳамда қўҳна тарихдан ҳозирги вақтгача бўлган даврни ўз ичига олгани учун асар даврий роман деб аталди.

Остонаси тилладан

Ушбу китобга асрлар давомида севиб куйланиб ва тингланиб келаётган ўзбек халқ тўй қўшиқлари: Ёр-ёр, ўланларнинг энг саралари танлаб киритилган. Халқ ижодининг бу бадиий юксак, дуру гав=ар қўшиқлари кенг китобхонлар оммасига мўлжалланган.

Очиқ хат

Аҳли сунна вал жамоа мазҳаби асосида пок ақийда ва мусоффо Исломга интилиш, Қуръон ва суннатни ўрганиб амал қилиш, исломий маърифат таратиш, салафи соҳил-улуғ мужтахидларига эришиш, ихтилоф ва фирқачиликка барҳам бериш, мутаассиблик ва бидъат-хурофотларни йўқотиш.

LISON UT-TAYR

LISON UT-TAYR

ҲАЙРАТУЛ-АБРОР

ҲАЙРАТУЛ-АБРОР

Эрта қайтган турналар

«Туркий дунё Алишер Навоийдан қарийб 500 йил кейин адабиёт чўққисига Чингиз Айтматовни олиб чиқди», - деган фикрни бугун бирор бир адабиёт ихлосманди инкор этмайди. Асарлари дунёнинг 180 тилига таржима қилинган ва турли миллат вакилларини инсонни улуғлашга чорловчи қадриятлар атрофида бирлаш тирган ёзувчи ижодига китобхон халқи қайта ва қайта мурожаат қилаверади.

Иккинчи сеансга чипта

Машхур рус ёзувчиси Василий Шукшин асарларида оддий қишлоқ одамларининг серқирра ҳаёти ўзига хос тарзда қаламга олинган. Унинг ёзганлари шунчалик оддийликка қурилганки, бундай ҳикояларни ҳар қандай киши ёза оладигандек туюлади. Аммо ана шу оддийликда ҳаёт унсурлари рангин товланадики, беиҳтиёр адиб истеъдодидан ҳайратланасиз. Оддийликдан мураккаблик ва мураккабликдан оддийлик асарлар мазмуни шундай. Бундан ҳар қандай ўқувчи беқиёс лаззат топади. Василий Шукшин нафақат адиб, балки киноактёр, режиссёр, умуман олганда, улкан санъаткордир.

Мегрэ ва дайди

Француз ёзувчиси Жорж Сименон ўзининг полиция комиссари Мегрэ ҳақида ёзган қатор психологик-детектив романларида юз берган жиноятнинг бутун тафсилотини қизиқарли эпизодларда фош қилиш билан бирга, айни чогда мазкур жамият ҳаётида учраган иллат ва пуқсонларни ҳам шафқатсиз танқид остига олади. Бу тўпламда китобхон Муаллифнинг комиссар Мегрэ фаолиятидан ҳикоя қилувчи «Мегрэ ва дайди» ҳамда «Мегрэ министр ҳузурида» романларини ўқийди.

Katta umidlar

Hammasi oddiy voqeadan boshlanadi. Yosh Filipp qabriston yonida o'ynab yurganida qamoqdan qochgan mahbus uni tutib oladi va boladan o'zi uchun yegulik va egov olib kelishini talab qiladi. Mana shu voqea bolaning kelajagini o'zgartirib yuboradi. Aziz kitobxon! Mashhur ingliz yozuvchisi Charlz Dikkensning „Katta umidlar" romani sizning sevimli asarlaringiz qatoridan o'rin olishiga ishonamiz.

Хотин душмани. Тўкилган япроқлар

Мактублар тарзида ёзилган ушбу асарда дастлаб аёл макри, айни маконда «хотин душмани» дея лақаб олган Ҳомонголосга нисбатан Соранинг ўч олиш режаси, иккинчи қисмда эса Хомонголоснинг кечинмалари-ю, нега «хотин душмани» эканлиги ёритиб берилади. «Тўкилган япроқлар»да ўрта тоифага мансуб бир оиланинг фожиаси қаламга олинган. Асарнинг бош қаҳрамони Али Ризобей болаларининг ўзлигидан, ахлоқий қадриятлардан тобора узоқлашиб, йўқлик томон юз тутишларига чорасизликдан томошабин бўлар экан, фарзандларини азим дарахтнинг сарғайиб тўкилаётган япроқларига ўхшатади. Янада даҳшатлиси - асар сўнггида Али Ризобей япроқлари тўкилган дарахтдек ғурур ва ҳатто ҳаётий маслагидан ҳам ажралади. Ёзувчи услуби ва таржимон маҳорати маҳсули бўлган ҳар иккала роман адабиёт ихлосмандларига манзур бўлади, деган умиддамиз.

Bo'ri o'g'li

Amerikalik iste'dodli yozuvchi Jek London nomi o'zbek ki- tobxonlariga yaxshi tanish. Adibning „Martin Iden", „Uch qalb" romani, qissa va hikoyalari o'zbek tiliga tarjima qilingan. Qo'lingizdagi to'plamda Jek Londonning eng sara hikolari jamlangan. Ushbu kitob sizning ko'ngil mulkingizdan o'rin olishiga ishonamiz.

G‘arbiy frontda o‘zgarish yo‘q

Atoqli nemis yozuvchisi Eriх Mariya Remark ijodi bilan kitobхonlarimiz uning «Uch og‘ayni» romani orqali tanishganlar. Mana endi adibning yana bir mashhur romanini e’tiboringizga havola qilayotirmiz. Mazkur asarda birinchi jahon urushi o‘z domiga tortgan o‘spirinlar obrazi orqali urush dahshatlarini boshidan kechirgan, ruhan ezilgan, jamiyatdan begonalashgan va bolalik orzu-umidlari chilparchin bo‘lgan butun bir avlodning ayanchli qismati mahorat bilan aks ettirilgan.

Дунёнинг энг буюк савдогари

От Мандинонинг миллионлаб нусхада чоп этилган китоблари уни инсоният тараққиёти муаммоларини ечишга ҳаракат қилган буюк ёзувчи сифатида дунёга танитди. Унинг асарларини бутун дунёда - Америка корпорацияси маъмурларидан тортиб, япон фабрикаларининг оддий ишчиларигача, Мексика қамоқхоналарида ётган маҳбуслардан тортиб, оддий немис уй бекаларигача, қўйингки, миллати, ирқи, ижтимоий келиб чиқишидан қатъи назар, ҳар бир инсон севиб мутолаа қилади. "Дунёнинг энг буюк савдогари" асарида муаллиф оддий савдо қилиш қонун-қоидаларини хаётий, фалсафий фикрлар билан уйгунлаштирган. Китоб кенг ўқувчилар оммасига мўлжалланган.

Бир дастхат сири

Ушбу тўпламда чех ёзувчиси Карел Чапекнинг ҳикоя ва «Апокрифлар»и ўрин олган. Ёзувчининг ҳикоялари «ихтиро ва кашфиётларга ўч ўй ва хаёлнинг «чукур ҳаётий асос» билан узвий ҳамкорлигидан туғилган нодир бадиият неъматларидир. Карел Чапек ҳикояларида инсоннинг мураккаб ички дунёси, ижтимоий-маънавий изланишлари юксак маҳорат билан очилади. Одамларнинг маънавиятидаги бетакрор ички дунё ҳаёти улуғ чех адиби ҳикояларининг ҳам маънавий-эстетик қимматини белгилайди. Адиб ижодида «Апокрифлар» деб аталган ўзгача бир жанрдаги кичик асарларнинг йирик бир туркуми мавжуд. Апокрифлар - митти адабий шаклда қадимги ривоятлар, афсонавий, диний, тарихий ва адабий сюжетларни янгича талқин этувчи бир жанр ҳисобланади. Карел Чапекнинг апокрифлари ўткир ҳажвий рухияти ва бетакрор замонавий маънолари билан апокрифлар дунёсига алоҳида ўрин тутади. Тўплам кенг китобхонлар оммасига мўлжалланган.

Танланган асарлар

Ушбу китобда Ўзбекистон халқ шоири, бир умр ёниб куйлаган оташнафас шоирамиз Халима Худойбердиева шеъриятининг энг capa намуналари бир муқова остида жамланди. Ушбу мажмуа шеърият мухлисларининг кўнгил китоби бўлиши ҳеч шубҳасиздир.

Кечиккан қасос

Тоғаевлар хонадонининг барча аъзолари мудҳиш қотиллик қурбонига айланишди. Уларнинг бундай аянчли тақдирига бойлик сабабми ёки... Кетма-кет содир этилган жиноятлар иштирокчилари кимлар ёки бу битта одамнинг ишими? Неъматилланинг бахтли оиласига кўз тегдими ёки улар ҳам бахтсизлик курбонларими? Терговчилар Фахриддин билан Санжарбек нима учун айнан 20 йил аввалги жиноят сабабларини ўрганишга бел боғладилар? Қўлингиздаги китоб жиноят оламининг ана шундай ниҳоятда чигал ва ниҳоятда мураккаб муаммолари, сирларига ечим излайди.