Unilibrary. Oliy ta'lim muassasalarining yagona elektron kutubxona axborot tizimi.

Дўст дийдори

Ижоднинг машаққатидан ҳайиқмаган, шеърият сирларини эринмай ўрганган шоир, қачон бўлмасин, ўзи яратган асарларидан завқ-сурур олиши табиий. Мирза Қайнаров ҳам мисралари нечоғ пишиқ, ниятлари холис ва самимий, айтмоқчи бўлган фикрлари оҳорли бўлмасин, машқларини чоп этишга, китобларига дастхат ёзиб ғурурланишга шошилмади. Мана, бугун у дўстлар билан дийдорлашув пайти етиб келди, деб ўйлади шекилли, қалбида асраб юрган сўз гавҳарларидан тузилган шеърлар тўпламини инъом этмоқда...

Islom hazorasi

Ushbu kitobni chiqarishdan maqsadimiz – boshqa millatlar hazorasini yomonotliq qilib, Islom hazorasini ko‘klarga ko‘tarish emas. Balki ayrim noxolis tarixchilar, din muxoliflarining Islom dinini yangi zamon talablariga javob bermaydigan qoloq, ilm-ma’rifat, fan-texnikaga to‘sqinlik qiluvchi, insoniyat taraqqiyotidan orqada qolayotgan din, deb ko‘rsatishga urinishlarining asosi puch, g‘arazli ekanini ko‘rsatib qo‘yish, xolos. Ushbu kitobni o‘qib, undan Alloh taolo bizlarga ato etgan oxirgi Haq din-Islomning buyuk hazorasi haqida biroz ma’lumotga ega bo‘lsangiz, tushkun kayfiyatingizdan qutilsangiz, musanniflar niyatlariga yetgan bo‘lur edilar. Alloh taolo barchalarimizni O’zining Haq yo‘liga, hidoyat tariqiga yo‘llayversin, qalblarimizni Islom nuri bilan, musulmon ekanimizdan faxrlanish tuyg‘ulari bilan munavvar etsin.

Саодат асри қиссалари 4-китоб

Мана, саодат асридан ҳикоя қилувчи асарнинг ниҳоят тўртинчи китоби ҳам қўлингазда. “Интизор кутилган тонг», «Ойдинликлар сари», «Оламларга порлади қуёш» деб номланган олдинги уч китобини хузур билан, шимиб ўқиб чиққанингиздан хабаримиз бор. Давоми қачон чиқаркин, деб интиқ бўлиб юрганларингиз, тўғридан-тўғри бизга учраб ёки орқаворотдан суриштиравериб таржимани тезлаганларингиз бу асарга берилган энг юксак ва самимий баҳоларингиз деб биламиз. Бундай қараганда, бу китобда баён этилганлар ҳам бир тарих — Ислом дини тарихи, Пайғамбаримиз (у зотга Аллоҳнинг саломи бўлсин) тарихлари. Воқеалар таниш. Айни чоғда, бу асарнинг бошқа тарихий китоблардан фарқи воқеалар кетма-кетликда бир ипга тизилиб, адабий усуллар билан йўғрилиб ифодаланганидадир. Шунинг учун омма боп ва ниҳоятда ўқишли чиққан. Жаноби Ҳақ муаллифимизга лутфи ила, карами ила муомала қилсин.

Тайны морских катастроф

На протяжении многих веков, с момента зарождения морского судоходства, беспощадность морской стихии направляла человеческую мысль на совершенствование конструкций корпуса судна, его механизмов, приборов судовождения, картографии, а также на изучение гидрографии, метеорологии и других наук, относящихся к мореплаванию.

Ҳазрати Умар Ибн Ҳаттоб

Ушбу асар ўзбек китобхонлари орасида «Саодат асри қиссалари», «Ўгай она», «Қайнона» каби асарлари билан ҳурмат қозонган Аҳмад Лутфий қозончи ҳазратларининг қаламига мансубдир. Унда мусулмонларга энг суюкли инсонлардан бири, адолати ҳануз қалбларда қуёш бўлиб порлаётган мўътабар зот - Умар ибн Ҳаттобнинг ҳаёти биз билган-билмаган қирралари билан қайноқ, жонли бўёқларда чизилган. Замин узра ҳидоят қуёши балққан, оламлар нурга чўмилган кунлар эркини маърифатга чанқоққалбларга ҳузур бағишлайди, деган умиддамиз.

Тўрт улус тарихи

Муҳтарам ўқувчи, маълумкингизким, ҳалқимизда ҳар ким етти отасининг исм-шарифини билиши керак, деган ақида бор. Зеро, инсон боласи ўз падари бузукворига қараб қад ростлайди. Бобокалонларимиздан бири Мирзо Улуғбекнинг номини мунажжим бўлганини,нари борса ўз ўғли томонидан ўлдирилганини биламиз холос. Қўлингиздаги китоб эса Мирзо Улуғбек истеъдодининг яна бир қирраси-тарихчилик соҳасидаги фаолиятининг маҳсулидир.

Қаҳрамон мўмина аёллар

Қўлингиздаги китобга турли йиллари "Ҳидоят" журналимизнинг "Қаҳрамон аёллар" рукни остида чоп этилган ҳикоялар киритилди. Уларда динимиз бунёдининг илк паллаларида саҳобия аёллар кўрсатган сабр ва матонат, фидокорлик ва яхши хулқ намуналари самимий баён этилади. Чиндан ҳам Ҳазрати Расулуллоҳнинг (соллаллоҳу алайҳи ва саллам) пок хотинлари -муҳтарама оналаримиз ва бошқа саҳобия аёлларнинг ҳаёти динимизнинг ибратларга тўла тарихида жуда гўзал саҳифалардир. Уларни ўрганиш замонамиз учун ҳам кўп фойдали, ўта муҳим бир иш. Зеро, фарзандларимиз тарбиясида одоб-ахлоқимиз тамойилларини емирувчи турли ва жуда нозик иллатлар урчиган бир даврда яшамоқдамиз. Шу боисдан тақволи бўлиш, фойдали илм талаб қилиш, эрига итоат этиш, фарзандларни салоҳиятли қилиб тарбиялаш каби хусусларда саҳобия аёллардан ибрат олган мўминалар бугун ҳам, иншааллоҳ, улуғ натижаларга эришадилар. Тавфиқ Аллоҳ таолодандир.

Tanbehul-g'ofiliyn

Kitobning o‘ta ta’sirchanlik xususiyatini qayd etdik. Darhaqiqat, bu kitob g‘ofillarni, ya’ni e’tiborsizlarni, bexabarlarni, uyqudagilarni uyg‘otuvchi, oxirat manzaralaridan ogoh etuvchi, aqlga xitoblar qilguvchi mav’izalar kitobidir. Hazrati Payg‘ambarimiz bir hadisi shariflarida: “Insonlar uyqudadirlar, o‘lganda uyg‘ongaylar”, desalar, yana bir hadisda: “O‘lmasdan oldin o‘ling!” deb buyurganlar. O‘lmasdan oldin o‘lmoq, o‘lmasdan oldin uyg‘onmoq deganidir! Ilohiy haqiqatlarni, oxirat hayotini o‘lmay turib bilmoq deganidir. Bu ish robitai mavt – o‘limni tafakkur qilish, qalbning uyg‘oqligi va tirikligi esa, zikr etish bilan bo‘lgaydir. Xullas, bu kitob tafakkurga da’vat va xitob kitobidir!

Yulduzlar mangu yonadi

Qo'lingizdagi kitob 0‘zbekiston xalq yozuvchisi, Abdulla Qodiriy nomidagi Davlat mukofoti sovrindori Tog`ay Murodning ilk, ammo allaqachon xalqimizning ko'ngil mulkiga aylangan,hozirga qadar bir necha avlod kitobxonlari dillariga milliy g‘urur-iftixor, oriyat tuyg'ularini singdirib, yoshlarimizni asl vatanparvarlik ruhida tarbiyalab kelayotgan, go'zal badiiyatga oshno etajak “Yulduzlar mangu yonadi” qissasidan tashkil topdi.

Vido

«Hikoyalar xazinasi» rukni ostida «Vido» kitobiga adibning eng sara hikoyalari jamlangan bo'lib, ushbu hikoyalarda turli xarakterdagi insonlarning taqdiri, kechinmalari, o'y-fikrlari, voqea-hodisalar o'ziga xos san'atkorona tarzda hayotiy tasvirlangan. Taqdim etilayotgan hikoyalarda o'sha davr ruhini saqlab qolish maqsadida shaharlar va atamalar nomi asliyatga asosan qoldirildi.

Shayboniyxon

Yozuvchining yangi „Dashti Qipchoq lochini (Muhammad Shayboniyxon qissasi)“ asari o‘zbek xalqi davlatchiligi tarixida muhim rol o‘ynagan Muhammad Shayboniyxon (1451-1510) haqida bo‘lib, u turkiy shayboniylar sulolasi va davlatining asoschisi hisoblanadi. Muhammad Shayboniyxon haqida hozirgacha o‘zbek adabiyotida ayrim tarixiy mavzudagi hikoyalarni mustasno etganda birorta qissa yoki roman yaratilmagan edi. Adib S. Siyoyev o‘zbek adabiyotidagi mazkur bo‘shliqni to‘ldirish uchun mas’uliyatli vazifani o‘z zimmasiga olib, juda katta mashaqqat va zahmatlar evaziga mazkur qissani yaratdi.

Oyning oltin o'rog'i

«Hikoyalar xazinasi» rukni ostida «Oyning oltin o'rog'i» kitobiga adibning eng sara hikoyalari jamlangan.Ushbu hikoyalarda turli xarakterdagi insonlarning taqdiri, kechinmalari, o'y-fikrlari, voqea-hodisalar o'ziga xos san’atkorona tarzda tasvirlangan. Shu sababli bu hikoyalarni o'qish jarayonida o'quvchi goh o'yga toladi, goh qayg'uradi, gohida esa, o'zini ayni qahram onning o'rniga qo'yib, bunday vaziyatda men nima qilgan bo'lardim , degan savolni o'z oldiga qo'yadi va yechimini axtaradi. Taqdim etilayotgan hikoyalarda o'sha davr ruhini saqlab qolish maqsadida shaharlar va ayrim atamalar nomi asliyatga asosan qoldirildi.

Oydinda yurgan odamlar

Asar nima haqida? Bir qarashda qissa adabiyotimizda ko‘p aytilgan farzandsizlik muammosiga bag‘ishlangandek tuyuladi. Aslida, unday emas. Aslida, uslub jihatidan xalq dostonlariga o'xshab ketadigan bu qissani muhabbat haqidagi bir kuy, to‘g‘rirog‘i, muhabbatga suyanib, barcha hayot dovullarini yengib o‘tgan ikki dil, ikkipok inson haqidagi tipik bir qo‘shiq, desak, yarashadi.

Ot kishnagan oqshom

Tabiat va inson... Tabiat va inson o‘rtasida ko‘zga ko'rinmas uzviy birlik bor. Ana shu bogliqlik, birlik 0 ‘zbekiston xalq yozuvchisi, Abdulla Qodiriy nomidagi Davlat mukofoti sovrindori Tog'ay Murod “Ot kishnagan oqshom” qissasida mohirona tasvirlab bergan.Qo‘lingizdagi kitob xalqimiz ko'nglidan mustahkam o‘rin egallagan, chet tillarga taijima qilinib, dovruq qozongan mashhur “Ot kishnagan oqshom” qissasidan tashkil topdi.

Oq laylaklar

Ushbu mojazgina to'plamgayozuvchining bir-biridan ajoyib,bir-biridan qiziqarli hikoyalari jamlandi. Ularni o‘qirkan, yosh kitobxon do'stlarimiz o‘zlarining sirli, sehrli do'stlari bilan yuzlashadilar. Safar Barnoyev hikoyalarining aksariyati rus, ukrain, belorus,latish, moldovan, polyak, chex, arman, ozar, tojik, qozoq, qirg‘iz,turkman va qoraqalpoq tillariga ham tarjima qilingan. Adib asarlarining turli tillarda sevib mutolaa qilinishining asosiy sababi - u barcha xalq farzandlarini bir ko‘zda ko'rgani, ularning barchasini baxtli va saodatli ko'rmoq istagi bilan yonganidadir.

Nomi chiqmagan xotin

«Hikoyalar xazinasi» rukni ostida «Nomi chiqmagan xotin» kitobiga adibning eng sara hikoyalari jamlangan bo'lib,ushbu hikoyalarda turli xarakterdagi inson larning taqdiri,kechinmalari, o'y-fikrlari, voqea-hodisalar o'ziga xos san'atkorona tarzda hayotiy tasvirlangan. Taqdim etilayotgan hikoyalarda o'sha davr ruhini saqlab qolish maqsadida shaharlar va atamalar nomi asliyatga asosan qoldirildi.