Unilibrary. Oliy ta'lim muassasalarining yagona elektron kutubxona axborot tizimi.

Жиноят такрорланмайди

Куба адбиётида ҳикоя тараққий топган жанрлардан биридир. Ушбу тўпламга киритилган асарларда Республика ташкил топган йилдан бошлаб ҳозирги кунга қадар содир бўлган ҳодиса ва воқеалар тасвирланади. Тўпламдаги ҳикояларда Ватанга чексиз муҳаббат ва садоқат акс эттрилиган.

Сизни соғиндим

Ушбу илк китобимни азиз фарзандлари бўлмиш мени ва сингил- укаларимни мехр билан эркалаб ўстирган ардоқли инсон - Ички ишлар идоралари фахрийси, истеъфодаги катта лейтенант, хаётининг кўпгина йилларини Сирдарё вилояти ИИБ Давлат автомобиль назорати бошқармасида хизматда ўтказган ғамхўр дадажоним Одилжон Пардаев Сирож ўғли (1970-2010) нинг унутилмас хотирасига бағишлайман. Муалиф.

Yosh Verterning iztiroblari: roman

Jahon adabiyoti tarixida muqim o‘ringa ega bo‘lgan ulug‘ nemis shoiri logann Volfgang Gyote umri so‘ngida nasriy asar yozishga jazm etgan. Buning samarasi o ‘laroq «Yosh Verterning iztiroblari» romani dunyoga kelgan. Roman yosh ko‘ngillaming zavq-shavqi, iztirobi, qaynoq muhabbati haqida.

Улисс саргузаштлари

Ирланд адиби Жеймс Жойснинг «Улисс»и (ўзбекча талқинда «Улисс саргузаштлари») дунёни ҳайратга солиб келаётган роман. У аср романи деб тан олинган. «Улисс» — романнинг том маънода янги йўллари, янги усуллари, янги имкониятларини очди ва Муаллиф — Ба­ диий матн — Ўқувчи оламларида мислсиз ўзгаришлар жараёнларини бошлаб берди.

Дард

Муҳтарам китобхон, қўлингиздаги асар — муҳаббат қиссаси. Унда қаламга олинган воқеалар, севги туфайли қаҳрамонлар бошига тушган қувончу ташвишлар Сизга ҳам бегона эмаслигига "Дард"ни ўқиб ишонч ҳосил қиласиз, деган умиддамиз.

Шамолни тутиб бўлмайди

Назар Эшонқул ўтган acp 80 -йилларнинг охирларида адабиётга кириб келган авлодга мансуб. Сизнинг эътиборингизга ҳавола этилаётган асарларида шу даврга хос туйғу-кечинмалар билан бирга анъанавийлик ва авангардликнинг синтезлашуви акс этган.

IKki qalb uchrashuvi

Javlonning hikoyalari ko'ngilga yaqin, tanish voqealar, odamlar haqida sinchkov ijodkorning o'ziga xos nigohi bilan bitilgan. Tabiiy, sodda tilda yozilgan hikoyalarda Vatan sog'inchi, "paxta ishi" kabi ulkan dardlarning ruhiy-psixologik talqinlarini , dunyoqarashlari bir- biriga qarama -qarshi bo'lgan insonlarning ichki olamidagi mezonlar va aqidalarning manzaralarini ko'rasiz.

Девону лугати-т-турк

Дунё илм-фани ва маданияти ривожига улкан ҳисса қўшган ушбу китоб XI асрда яшаб ижод этган буюк бобокалонимиз - улуғ тилшунос Махмуд Кошгарий (Махмуд бин ал-Хусайн бин Мухаммад ал-Кошгарий) қаламига тегишли “Девону лугати-т-турк” (“Туркий сўзлар девони”) асарининг ўзбек тилидаги янги нашридир.

Қил устидаги тақдир. 1-китоб.

Мазкур қиссада қимор ўйнаш каби ёмон иллатларнинг оқибатлари ҳақида хикоя қилинади. Қимор ўйинлари инсон ҳаётига қандай балолар ёғдириши Лобар исмли аёл ҳаёти мисолида кўрсатиб берилган.

Дилдаги дур

Дил покланмагунча инсоннинг тили, қўли, йўли покланмайди. Одамзодни минг куйга соладиган, умрига минг бир фасл олиб кирадиган бу кўнгилдир, бу кўнгил! Кунгилда гох имон чақириқлари жаранглаб, гохида эса шайтон васвасалари жунбуш уради.

Yuragimga qo'nib qolgan qish

Sog'inch — munavvar, pokiza bir tuygʻu. Bu tuygʻu insonga quvonch, ilhom bag'ishlaydi, yurakni baxtiyor tuyg'ular chulg'aydi. Mohigul Bahodirovaning she'rlarini oʻqir ekansiz, aziz oʻquvchi, sizning yuragingizga ham ana shunday yorug' tuyg'ular oqib kiradi, degan umiddamiz.

Dunyoning ishlari

Jonli va hayotiy tasvirlar, oʻzbekona yondashuv va xarakter, qahramonlar oʻrtasidagi suhbatlar mutolaa tasirini kuchaytiradi. Asar adibning bolalik davridagi voqealari asosida qurilgan. Sovet davridagi oddiy qishloq oilalaru, odamlar turmush tarzi adibning onasi bilan uygʻunlashtirib tasvirlangan. Oʻtkir Hoshimov shu kichik asarida ham dunyoning ishlarini mujassamlashtirgan. Oʻzbekiston xalq yozuvchisi Said Ahmad qissani shunday tariflagan : "„Dunyoning ishlari“ asarini qissa emas, doston deb atashni istardim. U qoʻshiqday oʻqiladi. Uni oʻqib turib, oʻz onalarimizni oʻylab ketamiz. Shu mushfiq, shu jafokash onalarimiz oldidagi bir umr uzib boʻlmas qarzlarimizning aqalli bittasini uza oldikmi, degan bir andisha, bir savol koʻz oldimizda koʻndalang turib oladi. Qissa bizni insofga, insonni qadrlashga, hurmat qilishga chaqiradi" Odam ko‘pincha o‘z yaqinlarining qadriga yetmaydi. Ayniqsa onaning qadrini bilmaslik yosh o‘tganda pushaymonlik keltirishi mumkin. Shu maʼnoda "Dunyoning ishlari" asarini kishi ulg‘ayganda tuyadigan ona armoni deyish mumkin. Asardan paydo bo‘ladigan katta xulosa ham aslida shu. Shu bilan birga asar dunyoning, yaqin insonlarning qadriga yetishga, hayotning maʼno-mazmunini teranroq anglashga, ona oldidagi farzandlik burchi va masʼuliyatini tuyishga o‘rgatadi. "Dunyoning ishlari" yuqorida aytilgan sababi tufayli qo‘ldan qo‘ymay o‘qilayotgan bo‘lsa kerak ehtimol.

Манқал

Адабиётда каҳрамоннинг характер хусусиятлари, ватанпар- варлиги тарихий даврга, шарт-шароитга боғлиқ ҳолда тасвир этилмоғи даркор. Ватан, миллат тараққиёти йўлидаги кураш- ни энг инсонпарвар идеалларнинг зафари учун мужодаладан айри тасаввур этиш мумкин эмас

Hurkitilgan tush

Ular ancha narsaga ega bo'lishdi. To'y qilishdi, ota-onasi xohlaganicha, Nasiba istagancha orzu-havas ko'rishdi. Hammasini taomildagidek, ,,Qars-badabang“ qilishdi. Hammasini! Bir narsani unutib qoldirishdi. Quyoshning o ‘lchovi bo'ladimi! Nurning vazni-chi? Baxtning tarozisi-chi?..

Аросат дунё

Ўз туғилиб ўсган макон тарихи, қолаверса, одамларнинг тақдири хақида асар ёзиш хар қандай ижодкор олдидаги масъулиятли ва оғир вазифадир. Лекин хозирги давр ўзбек адабиёти ва драматургиясига дадил қадамлар билан кириб келаётган Олтиариқлик муаллиф Набижон Ҳошимов ана шундай вазифани уддалашга интилаётган иқтидорли қаламкашлардандир.

Қил устидаги тақдир.2-китоб.

2-китобда саргузашт қиссанинг 4 ва 5 қисмлари келтирилган. Лобарнинг хориждаги жиноятчилар даврасида бошидан кечирганлари тасвирланган.