Unilibrary. Oliy ta'lim muassasalarining yagona elektron kutubxona axborot tizimi.

Бемор

Асқар ота инқилоб учун қурол кўтарган ўзбек аёлларидан Маърифатхон воқеасини эшитганидан бери унинг қабрини зиёрат қилиш ниятида юрган эди.

Чўқинтирган ота ёхуд мафия сардори

Марио Пьюзони машҳур қилган ва адабиёт саҳнасида унинг номини кўкларга кўтаришга сабаб бўлган асар, шубҳасиз, «Чўқинтирган ота ёхуд мафия сардори» асардир. Бу асар миллион йиллардан бери одамлар ўртасида давом этиб келаётган иллатлар, бир-бирини кўролмаслик, чексиз бойликка бўлган ҳирс, адоват кабиларни руй-рост ифодалаб бергани, шунингдек, америкалик ва сицилиялик мафиячиларнинг кирдикорларини тўла-тўкис очиб бергани билан дунё миқёсида оммалашиб кетди.

Анна Каренина биринчи китоб

Бадиий адабиётда муҳаббат мавзусида ёзилган асарлар қанчалик кўп бўлмасин, уларнинг ҳеч бирида тақдирлар, қисматлар, фожиалар, ўйлар, қарашлар бир-бирини такрорламайди. Навоийнинг Лайлиси-ю Мажнуни, Шекспирнинг Отеллоси-ю Дездемонаси,Кнут Гамсуннинг Эдвардаси, Чингиз Айтматовнинг Жамиласи... Лев Толстойнинг Анна Каренинаси ҳам ҳақли равишда мана шундай асар қаҳрамонлари сафида турадики, адиб ижодига ошно бўлган ҳар бир китобхон буни яхши англайди.

Kon-tokida safar

Qolingizdagi «Kon-Tiki»da safar» kitobi dunyodagi ko‘p xalqlar tiliga tarjima qilingan. Asarda norvegiyalik etnograf olim Tur Xeyerdalning besh sayohatchi hamrohi bilan birga oddiy palma yog'ochidan yasal­ gan (sol) qayiqda (1947-yil) Tinch Okeaniga chiqib, Peru orolidan Polineziya orollarigacha suzib borgani haqida hikoya qilingan. Mustaqillikdan so‘ng erishgan yutuqlarimiz ichida eng hayratlanarlisi yosh avlod qalbida kitobga mehr uyg'otish boldi. Ayni ma’noda bu kitob yetti yashardan yetmish yashargacha bolgan kishilami irodali, e’tiqodli qilib tarbiyalashda muhim ahamiyat kasb etadi hamda kishilarda birdamlik kayfiyatini uyg‘otadi. Zero, «Kon-Tiki»da safar» romanida ochiq dengiz manzaralari va ana shu poyonsiz ummondagi qahramonlar har qanday qiyinchiliklarga barham berib o‘z ko'zlagan manzillariga eson-omon yetib boradilar. Bu safardagi ramz-ishoralar kishi qalbini yoshartiradi, unda hayotga bolgan tashnalikni ikki hissa oshiradi. Aslida bu asar qaysidir ma’noda ko‘ngil sari bir safar hamdir.

Скафандр ва капалак

Инсон жасорати ва матонатининг маҳсули бўлмиш «Ска­фандр ва капалак» аввало, чўнг бир изтироб, сўнгра худди шундай умидга йўғрилгани билан эътиборни тортади. Француз драматурги Жан-Доминик Бобининг ушбу асарини вараклаб, илк сатрларига кўз югуртирарканмиз, айни кучга тўлган, ҳаёт ва ижодда муваффақият қозониб келаётган 44 ёшли драматургнинг кутилмаганда инсультга чалиниб, тушакка михланиб қолиши, аммо тақдирнинг аянчли синови олдида таслим бўлмай соғлом мия ва ягона кўз ёрдамида ҳаёт учун курашишга бел боғлагани, нигоҳлари билан логопед кўмагида дунё билан мулоқотга киришиши вужудимизни титратади.

Сароб

"Сароб" романи ҳаётнинг мураккаб даври - ўттизинчи йилларнинг бошларида яратилди. У яратилиши билан фақат китобхонгина эмас, балки расмий ташкилотларнинг ҳам эътиборини ўзига жалб қилди.

Chinor

Asqad Muxtorning bu romani sharq adabiy an’analarini eslatuvchi yangi bir shaklda yozilgan. Chinorning azimday har tomonga tarvaqaylab ketgan qissalar jonli voqelikni aks ettirsa, uning teran ildizlari-hikoyatlar yaqin o'tmish haqida, rivoyatlar esa pildirab uchgan yaproqlar singari yengil, ular badiiy tafakkur qanotida qadim afsonalarga borib tutashadilar...

Qutlug` qon

«Qutlug` qon» romani til va badiiy mahorat jihatdan diqqatga sazovordir. Asarda adib obraz yaratishda psi- xologik tahlil san’atidan, xalq tili boyliklaridan ustalik bi­lan foydalangan. Obraz xarakterini, personaj tilini tabiiy va jonli qilib tasvirlagan. Shunga ko‘ra romandagi har bir obrazning o‘z ichki va tashqi dunyosi bor, o‘z xarakter va individual tili bor.

Ёшлик баҳорининг бойчечаклари

Ёшлик — биргина шу сўз замирида олам-олам орзулар тўлқини, қуввату қудрат бахш этувчи чорлов, қанчалар гўзаллик ва нафосат, энг муҳими, оташ ичра гуллаб турган муҳаббат мавжуд. Муҳаббат ахлига эса дунё ҳамиша гўзал кўринади. Бахт деган сўзнинг беланчагини ҳеч ким севиб-севилганлардан аъло тебрата олмайди.

Чин муҳаббат қиссаси

Ёш қаламкаш Париза Ҳикматованинг қўлингиздаги китобида вафо-садоқат, меҳр-оқибат, поклик ва ҳалоллик каби эзгу ва умрбоқий инсоний туйғулар қаламга олинади. Китоб қахрамони оддий қишлок кизи Нурнинг тақдири сиз ҳурматли китобхонларни бефарқ қолдирмайди. Мағрур ва гўзал қиз Нурнинг катта мақсадларга интилиб яшаши, шу йўлда меҳнат қилиши кишиларни иродали бўлишга чорлайди. ҳамиша ғолиб эзгуликка даъват этади.

Муҳаббатнома

Ҳаёт йўлимда менга дуч келган ва тимсоли хаёлимда қолган кишилар ҳақида ўйлаганимда даставвал бундай дегим келади: у одам нуқсонлари билан бизга ўхшаш, аммо фазилатлари билан биздан фарқ қиларди, шу сабабли биз уни ҳурматлар эдик. Шундай ибратли кишилардан бири Чустий домла эди.

Мингтиллонинг кабоби

Сурхондарёлик адиб ва журналист Хўжамурод Тоштемировнинг ушбу сайланмасига «Ўтов», «Бобоёровнинг жияни» қиссалари, инсон қалб туйғуларини тараннум этган ҳикоялари, ҳажвиялари ва қатралари киритилган бўлиб, адиб ўз асарларида инсонийлик, меҳр-муҳаббат, эзгуликнингумрбоқийлигини ёрқин образларда акс этгириб, худбинлик, такаббурлик каби иллатларни енгил кулги билан фош этган. Ўйлаймизки, ушбу китобдан жой олган асарлар Сиз азиз ўқувчиларнинг кўнгил мулкингиздан муносиб жой олади.

Танланган асарлар 7-жилд

Ўзбекистон Қаҳрамони, Халқ шоири Абдулла Орипов «Танланган асарларининг ушбу 7-жилдига кирган халқона, қиссагўйлик услубида ёзилган «Истиқлол манзаралари» достонида Мустақиллик арафасида ва унинг дастлабки йилларида юз берган воқеалар, шоир ўзи гувоҳ бўлган унутилмас, тарихий жараёнлар тасвирланган. Ёйиқ, воқеабанд ифода услубида, учликлар шаклида ёзилган «Ранглар ва оҳанглар» деб номланган шеърий туркумга кирган шеърлардан шоирнинг инсон руҳияти товланишлари, доимий иқрорлар, тубсиз армонлар, чексиз орзулар ҳақидаги мушоҳадалари ўрин олган. 2010 йил июнь ойидан кейин ёзилган шеърлар, ғазалларнинг умумий мавзуси ҳам инсон, унинг қалб эврилишлари, она юртдир. Жилдда, шунингдек, жаҳон ва ўзбек адабиётининг Данте, Пушкин, Расул Ҳамзатов, Ҳамид Олимжон сингари салафлари ҳақидаги мақолалар, долзарб мавзулардаги публицистик чиқишлар, суҳбатлар ҳам жамланган.

Сайланма

Ассаламу алайкум, Азиз мухлис! Ҳижолатдаман, улуғингизга бир фарзанд бўлиб, сингил бўлиб, бир нон билан йўқламаган бўлсам. Кичигингизга она бўлиб, опа бўлиб, бешигингизни тебратмаган бўлсам. Бор-йўғи ўзингизнинг деярли ҳар куни бир гапириб ўтадиган дарду- ҳасратларингиз, инсоний туйғуларингизни шунчаки қофияга солиб юрган нўноққина бир шоираман. Сизда эса шунча меҳру- муҳаббат...

Таазкират ул-авлиё

Буюк мутасаввиф шоир, мутафаккир на тазкиранавис Фаридуддин Атторнинг ушбу асари насрда битилган ягона ва машҳур асар булиб, унда тасаввуф шайхлари, авлиёуллоҳларнииг ҳаёти, кашфу кароматлари, турли тасаввуфий истилоҳлар — шариат, тариқат, маърифат, таваккул. ризо, сабр, шукр кабиларга уларнинг қарашлари баён этилган. Тазкирада алломаларнинг ўз илмий-назарий қарашлари ва таълимотини асослаш, тасдиқлаш мақсадида тарихий воқеалар, ҳаётий тажриба, ўтмиш машойихларининг ибратли кечмишлари ҳикоя, масал ва нақллар билан тасниф этилган. Китобдан ўрин олган тарихий лавҳалар жуда жонли ва таъсирчанлиги билан асарни юксак бадиий ижод намунаси даражасига кўтарган. Ушбу асар тарихий манбадан кўра бадиий асар сифатида қимматли ҳамда тасаввуф тарихи ва назарияси, амалиётини ўрганишда жуда катта аҳамиятга эга. Китоб ўзбек тилига таржима қилинган олдинги нашрларидан мукаммаллиги ва аслиятга ҳамоҳанглиги билан ажралиб туради.

Таржимашунослик муаммолари

Тўплам таржима назарияси, бадиий таржима ва таржимашунослик муаммолари билан қизиқувчи кенг китобхонлар оммасига бағишланган.