Unilibrary. Oliy ta'lim muassasalarining yagona elektron kutubxona axborot tizimi.

Шамолларда қолган ҳисларим

Дунёга машҳур “Шамолларда қолган ҳисларим” бадиий фильми ўзбек телетомошабинлари юрагидан чуқур жой олган. Бундан бир неча йил олдин таржимон Рохила Ахтамова томонидан ушбу романнинг мантиқий давоми бўлган “Скарлетт” ўзбек китобхонларига тақдим этилган эди. Мана, ўқувчилар талабига кўра “Шамолларда қолган ҳисларим” романи ҳам илк бор ўзбек тилида чоп этилмоқди. У нафакат дурдона фильм, балки дурдона асар сифатида ҳам меҳрингизни қозонишига, китоб жавонингиз ва юрагингиз туридан жой олишига ишонамиз, азиз китобхон!

Орзиқиб кутаман эртани

Америка ёзувчиси Сидни Шелдон 1917 йилда Чикагода туғилган. У Иккинчи жаҳон урушидан олдиноқ Голливудда киносценарист сифатида шухрат топди. Дарвоқе, С.Шелдон урушда АҚШ Ҳарбий Хаво Кучлари учувчиси сифатида иштирок этди. У урушдан кейин ҳам кинода ишлашни давом эттирди. Унинг қаламига мансуб олти пьеса Бродвейдаги театрлар репертуаридан жой олиб, шов-шувларга ҳам сабаб бўлди. Ёзувчи 1963 йилда ЭЙ-БИ-СИ корпорацияси билан ҳамкорликни бошлаб, икки юздан зиёд телевизион сценарийлар яратди. Бироқ С.Шелдонга жаҳон миқёсидаги шон-шуҳратни китоблари келтирди. Унинг асарлари бир юз саксондан ортиқ мамлакатда элликдан ортиқ тилда нашр этилди. Адибнинг к;аламига мансуб элликдан ортиқ ўткир мавзули асарлари орасида «Ярим туннинг орқа томони», «Қонли қадам», «Фаришталар қаҳри», «Кўзгудаги дарбадар», «Тонг, кун, тун» каби романлари алоҳида ўрин тутади. С.Шелдон кўпдан-кўп адабий ва кино санъати соҳасида бериладиган нуфузли совринларнинг, жумладан, Эдгар По номли ва Оскар мукофотининг соҳиби бўлган. Адиб умрининг охирига қадар самарали ижод билан банд бўлган.

Мафия аъзосининг иқрори

Мазкур тўплам детектив жанрида ёзилган яна бир асарни ўз ичига олади. Италия ёзувчиси Энце Руссонинг «Мафия аъзосининг иқрори» романида Жованинонинг бошидан кечирганлари баён қилинади. Жованино ўсмир чорида тўдага қўшилганидан бошлаб, мафия аъзолари битта-битта қўлга олингунга қадар бўлган давр ичида кўрган-кечирганларини, қилган жиноятларини ўз тилидан ҳикоя қилади. Ёши элликдан ошган собиқ, мафия аъзосининг афсус ва надоматга тўла иқрори замирида ўқувчи Италия ҳаётида мавжуд бўлган ўт­кир ижтимоий муаммоларни ҳам кўради.

Миллиардерга қўйилган тузоқ

Адиб Нуриддин Исмоиловнинг бу янги саргузашт-детектив романидаги воқеа-ҳодисалар, қаҳрамонлар ва уларнинг тақдири адабиёт мухлисларини қизиқтиради, қайси замон ва маконда бўлаётганидан қатъи назар, умуммуштарак ғоялар, тушунчалар билан эзгулик ва ёвузлик ўртасидаги курашнинг моҳияти очиб беради. Ёзувчи учун ўз ўқувчисининг назари, баҳоси ҳар нарсадан ҳам қиммат турса керак.

Чўқинтирган ота ёҳуд мафия сардори

Марио Пьюзони машҳур қилган ва адабиёт саҳнасида унинг номини кўкларга кўтаришга сабаб бўлган асар, шубҳасиз, «Чўқинтирган ота ёхуд мафия сардори» асаридир. Бу асар миллион йиллардан бери одамлар ўртасида давом этиб келаётган иллатлар, бир-бирини кўролмаслик, чексиз бойликка бўлган ҳирс, адоват кабиларни рўй-рост ифодалаб бергани, шунингдек, америкалик ва сицилиялик мафиячиларнинг кирдикорларини тўла-тўкис очиб бергани билан дунё миқёсида оммалашиб кетгани ҳақида ҳикоя қилинади.

Burgutqoya

Kitobda yosh ijodkor A.Tursunovning olamga hayrat va o'zgacha, shoirgagina xos zehniyat bilan qarab, o'z kechinmalarini jilovlab o'tirmay bitganlari, yurak tubidan to'kilgan satrlarni o'qiymiz.She'rlarda muallif inson, uning ko'ngil bekatlari, hayot manzillari, umr yo'lida orttirgan xulosalari, tabiat va undagi o'z olamiga ega mavjudotlar bilan inson munosabati kabi mavzularga murojat qiladi.

Ҳофиз

Ушбу китобдан ёзувчи Нуриддин Исмоиловнинг иккита йирик қиссаси ўрин олган. Уларнинг биринчиси "Ҳофиз" деб номланади. Унда мумтоз қўшиқлари билан одамлар кўнглидан жой олган ҳофизнинг парда ортидаги серғалва ҳаёти акс этган. Китобдаги иккинчи қисса "Шиқир" деб номланган. Бу асарда тасодифан катта бойликка эга бўлган журналист йигитнинг саргузаштлари тасвирланган. Иккала асар ҳам қизиқарли воқеаларга бойлиги жиҳатдан сизга маъқул келади.

Baxt tongi

Aziz kitobxon! Umidli yosh ijodkor Xonzodabegim Jamolova she’rlarini o'qir ekansiz, yangi ruh, yangi kayfiyatda o’z so'zini aytishga, o'ziga loyiq yo‘1 topishga intilayotgan iste’dod bilan suhbatlashasiz, sirlashasiz, ba’zan samimiy bahslashasiz... Uning ota-ona, Vatan, do'stlik, mehr-muhabbat, sadoqat haqidagi toza tuyg'ulari to'kilgan bandlari siznil mulohazaga chorlaydi. Xonzodabegimning yuz hayrat va yuz hayajon bilan hukmingizga havola etayot- gan she’riy guldastasi sizning ko'ngil xazinangizdan munosib o'rnini topishiga shubhamiz yo'q.

Eynshteyn jumbog'i

Aziz Norovning hikoyalarini o'qir ekansiz, unda voqeabozlikdan yiroq voqelik, qismatning o'yinlari oldida inson qalbining evrilishlari, turfa taqdirlar g'oyatda sinchkovlik va mahorat bilan qalamga olinganiga, yosh yozuvchining hayotni teran nigohlar ila kuzatishiga guvoh bo'lasiz. Eng muhimi, u nimani va qay yo'sinda yozish ko'nikmasini allaqachon egallab ulgurgan. O'ylaymizki, uning ilk hikoyalar to'plami sizga-da manzur bo'ladi.

Dahriyning ibodati

Onore de Balzak asarlari Yevropa adabiyotining gultoji sanaladi. Gobsek, Deplen, Gorio Ota, Lui Lamber – ularning hech biri bir-birini takrorlamaydi, ular qalbidagi mushtarak maqsad, ichki ziddiyatlar, orzular, boringki, adabiyotning insoniyatga ko‘rsatadigan xizmati nuqtayi nazaridan bir-biriga juda yaqin. Mana shu ichki kechinmalarni yurakdan his etgan Balzak o‘z asarlaridan birida shunday yozadi: «Kishi haqida hukm chiqarishdan oldin loaqal uning fikr-asrori, uning baxtsizligi, uning hayajoniga sherik bo‘lish kerak». Qadrli kitobxon! Agar Balzak qahramonlarining ichki kechinmalarini tushunmoqchi bo‘lsangiz, albatta, ushbu asar mutolaasiga shoshiling.

Chodirxayol

Asqad Muxtor ijodi bilan yaqindan tanish bo'lgan kitobxon adibning har bir asarida turfa fe'l-atvorga ega qahramonlar bilan yuzma-yuz keladi. «Narigi dunyo»dan qaytib kelgan bo'lsa-da sirining fosh bo'lishidan qo'riqqan ikki qasd oluvchi, xotiniga atir sotib olgan-u, ammo pulini behudaga sovurgani uchun dodini beradigan ayoli oldida dirdir titrayotgan Madrayimning holati, odamlarga yaxshilik qilaman, o‘zimdan yaxshi nom qoldiraman deb jonini mashaqqatga berib tosh tashib, zina qurgan, alal oqibatda esa ko'pchilikning qarg'ishiga uchragan Qora domla - bu qahramonlarning asli maqsadi, maqsad amalga oshgandan keyingi ruhiy kechinmalari, tavba-tazarrulari kitobxonni o'ylatmay qolmaydi. Asqad Muxtor asarlari, Asqad Muxtorning qahramonlari odamlarni o‘rganishga, ularning qalbidan kechayotgan his-tuyg'ularni o'qishga o'rgatadi. Kitobga jamlangan hikoyalarni aynan shu maqsad bilan Sizga havola etmoqdamiz.

Uzun kechalar

Bu kitob dunyodagi eng mehribon eng aziz inson - onalarga bag'ishlangan go'zal asarlardan biridir.Adibning ushbu to'plamga kiritilgan "Laylak","Tarnov",O'zbeklar","Dehqonning bir tuni" hikoyalari qahramonlari ham onalar.Yo'q,adib onangizni asrang,tirikligida uning qadriga yeting deb nasihat qilmaydi.Xuddi quyosh kabi umrimizni,chiroq nuri misol qalbimizni yoritib turgan ona mehrini har doim ham payqayvermasligimizni,onani yo'qatgandan keyingina afsus va nadomat chekishimizni yorqin misollar orqali tasvirlab beradi.

Alisa mo'jizalar mamlakatida

Mazkur kitobda biz bir qancha avlod vakillari sevib mutolaa qilgan va bugunning bolalari ham o;qishi kerak bo'lgan jahon adabiyotining eng sara ertaklarini jamladik. Ertaklar mavzuyi, ko'lamidan qat'i nazar yosh kitobxon ko'ngliga shunisi bilan yaqinki, unda mo'jizalar orqali bolalar qalbi tarbiyalanadi. Bugungi shiddat bilan rivojlanib borayotgan zamonda bunday ma'naviy tuhfa, umid qilamizki, bolalarga munosib sovg'a bo'ladi.

Бахтнинг олис манзили

Қўлингиздаги китоб севимли ёзувчингиз Нуриддин Исмоиловнинг навбатдаги саргузашт-детектив романларидан бўлиб, унда бахт ортида сароблар, дахри дунёнинг сиз билмаган ва билмаган турфа синовлари, ҳақиқий инсоний туйғулар олдида бойликнинг қийматсиз экани, сўнгги пушаймонлар фойдасиз экани, турфа тақдир эгаларининг андуҳларига ва қалб кечинмаларига биргаликда гувоҳ бўласиз.

Муҳаббат ва матонат

Болакай ўзини ўтга-чўққа уравериб кўпни кўрган киши каби мулоҳаза юритадиган бўлиб боради. «Мен ўшанда ўғирлик қилиб нафсимни қондирдим, бироқ зинҳор-базинҳор бу ишга қайтиб қўл урмадим... Ё Тангрим! Қоринлари тўйган синфдошларим гўшт бўлакларини ерга ташлашар экан, ўзимни ерга отиб тупроққа беланган гўштни ямламай ютишга тайёр эдим, лекин мен ўзимни тиярдим», – деб эслайди адиб ўзининг болалиги ҳақида.

Gullayotgan chechaklar

Anvar Allambergenov qoraqalpoq zaminida tug'ilib voyaga yetgan bo'lishiga qaramay, qoraqalpoq adabiyoti bilan birga o'zbek adabiyotini ham chuqur o'rganib, katta jur'at bilan tahlil qilayotganining o’ziyoq ibratli va tahsinga sazovor. Uning adabiy-tanqidiy maqolalaridan ko'rinib turibdiki, yosh adabiyotshunos har bir asarni o'qish davomida ham aqlan, ham qalban, ham ruhan his etib, o’ziga chuqur singdirib olgan. 0‘z fikr-mulohazalarini ilmiy nuqtai nazar va nazokat bilan ifodalash mahoratiga egaligi bilan ham ushbu to'plamdagi maqolalar kitobxonni o'ziga jalb eta oladi.